Աբդոմինալ աղեխիթեր նորածինների մոտ

Ցավերը հաճախ զարգանում են փոքրիկ երեխաների մոտ, դրանք այսպես կոչված «մանկական աղեխիթեր» են։ Դրանք սովորաբար առաջանում են երեկոյան, երեխան իրեն անհանգիստ է պահում, ծամածռվում է և ձգում է ոտքերը դեպի փորիկը, որը լարվում է։ Երեխան դառնում է շատ գրգռված և հաճախակի լացում է անհարմար իրավիճակներում։

Ցավոտ խնդրի ծավալները

Նորածինների մոտ աղեխիթերը տարածված խանգարում է, ինչը կարող է առաջանալ երեխայի կյանքի սկզբնական փուլում (հաճախ մի քանի շաբաթականում և կարող է տևել մինչև 5 ամիս), այդ խանգարմամբ տառապում են երեխաների 10-30%։ Նրանցից 80% մոտ առաջին ախտանիշերը ծագում են արդեն կյանքի երկրորդ շաբաթում։

Ինչո՞ւ է նորածինների մոտ առաջանում աղեխիթեր

Նորածինների աղեխիթերը արտահայտվում են գրգռվածությամբ, անհանգստությամբ և ուժեղ, շարունակական լացով, ինչպես նաև ստամոքսային անհանգստության ախտանիշերով (երեխան ձգում է ոտքերը դեպի փորիկը, որը լարվում է)։ Շատ հետազոտողներ առ այսօր ուսումնասիրում են այս խնդրի պատճառները։ Կարծիք է հայտնվել, որ ցավերի ռիսկը երկու անգամ ավելի բարձր է ծխող մայրերի երեխաների մոտ։ Ցավերին նպաստում է նաև կովի կաթի սպիտակուցների նկատմամբ ալերգիան, լակտոզայի անտանելիությունը և երեխայի ու նրա ծնողների սթրեսը։

Ինչպե՞ս բուժել նորածինների աղեխիթերը

Նորածինների աղեխիթը  ժամանակավոր խանգարում է, որը անցնում է ինքն իրեն։ Երբ դա տեղի է ունենում, ծնողները կարող են փորձել նվազեցնել իրենց երեխայի մոտ եղած ախտանիշերը։ Առաջին հերթին, նրանք պետք է պահպանեն հանգստություն։ Լացող երեխային պետք է գրկել, պահել կամ ման տալ ձեռքերում։ Մերսումը կամ գոլ կոմպրեսը կարող է նվազեցնել փորի լարվածությունը  և օգնել նրա աշխատանքին ։ Գոյություն ունեն գազահեռացնող և թուլացնող թեյեր, որոնք պարունակում են սամիթ կամ երիցուկ։ Երեխաներին կարելի է նաև տալ ներս ընդունելու սիմետիկոն պարունակող կաթիլներ, օրինակ Էսպումիզան® L ։

Դիտողություն՝ Որովայնի խոռոչի կողմից գանգատների ծագման կամ դրանց երկարատև բնույթի դեպքում, Դուք պետք է դիմեք բժշկի։ Նա կկարողանա հաստատել գանգատների պատճառը և բուժման կարիք ունեցող հնարավոր հիվանդության առկայությունը։

Հղումներ՝
1. IQVIA data Armenia
2. PIL of Espumisan®, last revised 08.2022
3. PIL of Espumisan® L, last revised 08.2022
4. Azpiroz, F et al. Gastroenterology , 2005; 129 (3) : 1060 – 1078
5. Satish et al. 1997; 101(4): 263-278 |
6. Jackowska A., Łukaszyk A. Przegląd Gastroenterologiczny 2008; 3 (5): 243-246.\
7. Jakubowski W. Ultrasonografia 2006;24,102-5.
8. Czerwionka-Szaflarska M. 2010; Forum Medycyny Rodzinnej 2010; 4 (6):408–414.
9. Nerii et al. Neurogastroenterol Motil (2016) 28, 581–591
10. Sullivan et al. ISRN Gastroenterol. 2012; 2012: 721820
11. Balon AJ. Am Fam Physician. 1997 Jan;55(1):235-42, 245-46
12. Lucassen P.L.B.J. et. al., British Medical Journal, 1998; 316: 339-342.
13. Weingärtner U, Petersen-Braun M. Pharm Ztg 2004;149: 34-39.

Դեղն ունի հակացուցումներ, այն օգտագործելուց առաջ, նպատակահարմար է խորհրդակցել ձեր բուժող բժշկի հետ: Օգտագործելուց առաջ նաև ուշադիր կարդացեք ներդիր թերթիկը: